DANS+
IDRETT|FRILUFTSLIV

Likar du å danse og vil lære meir? Da er danselinja på SUFH noko for deg. Her får du trening i jazz, moderne og klassisk ballett på fast basis gjennom heile året. I tillegg har vi Pilates, stretching, grunntrening og teori, treningsplanlegging, dansehistorie, improvisasjon og koreografi. Du vil få bruke og utvikle din kreativitet og dine talenter gjennom rørsle både sjølvstendig og i samspel med andre.

I perioder har vi temabasert undervisning med eksterne lærarar som er spesialistar på sine eigne områder. F.eks; Salsa, swing, hip hop, breakdance, flamenco.

I løpet av skoleåret vil du få muligheit til å prøve deg både som koreograf og dansar, og vi avslutter med ei flott danseforestilling.

Gjennom arbeid med dans, koreografi og formidling vil vi legge til rette for at elevane får vidareutvikle og bruke sine danseriske ferdigheiter og kreative evner, og slik styrke sjølvtillit, kroppsbeherskelse og forståing for dans. 

Undervisninga tek høgde for at elevane har ulik grad av danserisk erfaring, kunnskap og ferdigheiter. Du må ha vilje til eigentrening og øving på fritida.

Linjekombinasjonar

Vi er éi danseklasse som har mesteparten av undervisninga felles, der elevane vel mellom kombinasjonane Dans eller Dans+Idrett/Friluftsliv. Dansefaget utgjer 75% av linjefaget og kombinasjonen 25%.

Dans
- For deg som berre vil ha dans
- Improvisasjon og koreografi.
- Temabasert undervisning med gjestelærar.

Dans+Idrett/Friluftsliv
- Kombinasjonsfaget skjer for det meste saman med linjene Idrett, Multisport eller Sjø.Snø.Surf.
- Opplegget vert gjennomført ute og inne.
- Temabasert undervisning, som f.eks. ballspel, grunntrening, surfing, ski...